Eduardo (70) é un home que comeza a ter problemas para coidar de si mesmo. Na súa casa, a que noutro tempo foi a casa familiar, vive só cun androide cuxa única función é mellorar a súa calidade de vida. A través do trato co robot, Eduardo atopa a relación de intimidade que non é quen de afianzar co seu fillo Anxo (30). Eduardo proxecta no androide a identidade que soña para o seu fillo, pero tras unha comida familiar decátase de que isto non fai máis que aumentar a distancia que hai entre eles.